2017年05月21日 星期日
【這就是足料】塊肉仲大過個麵包成倍有多呀！
成世人流流長總遇上幾個空心包。試諗下當你唔小心買到空心包，然後再局住食佢落肚嗰陣，個心係幾咁空虛⋯⋯所以話呢，今日今日仲搵到一個唔會偷功減料嘅包真係要感恩，兼且放上網同一眾網民開心些牙下，等大家都可以感受到呢份實在嘅感覺呀！
最近，有日本網民就喺一間麵包店入面發現咗一款堅係足料嘅麵包。大家睇下，塊bacon足足大過個麵包成倍有多，直程凸晒出嚟咁款！嗚哇，食落去實啖啖肉，飽到上喉嚨椗啦～嗱嗱嗱，呢啲咪叫做足料囉！
而講起餡料多到凸晒出嚟嘅麵包，又點可以唔提日本嘅原片朱古力包呀？
聽講到情人節嘅時候，有麵包店仲會將呢個麵包升級，將入面嘅朱古力由一塊變五塊㗎！嘩，成五塊朱古力咁多，食嗰個實甜到入心入肺啦⋯⋯55。
btw，足料還足料，有時都要顧下賣相嘅⋯⋯好似早前呢個由某間日本麵包店推出嘅oreo泡芙咁，雖然一睇就知佢放咗好多oreo上去，夠晒足料，但就係因為咁樣，所以咪畀一眾日本網民笑佢個樣似海膽囉⋯⋯
資料來源：itaru_414／twitter、lillyy_r／twitter、翠玉堂／twitter、rantyan_／twitter
睇埋：
