明明平時啲麻雀一見到人行埋去就會飛走㗎嘛，但呢隻麻雀仔竟然完全唔驚人，兼且仲停咗喺呢位小朋友嘅背脊上面?？

是咁的，話說最近有日本網民同小朋友落街踩單車嘅時候就突然發現小朋友背脊上面好似有啲嘢喎，起初呢位網民仲以為係蟲嚟，點知睇真啲先知原來係一隻麻雀仔嚟㗎！

喂喂，麻雀仔你係咪想搭順風車呀？你都幾識揀司機㗎啵，唔靚仔嗰個你都唔揀嘅！

不過咁，小朋友踩單車可以踩得有幾快吖⋯⋯如果雀仔趕時間嘅話點算好？咁就梗係搭地鐵啦！嗱嗱嗱，好似早前北海道呢隻雀仔咁咪夠晒醒目囉，直接飛落月台，然後列車一開門就飛上車，最後到站仲識自己落埋車?，咁先至係真正「既方便，又快捷」㗎嘛！

「なんか背中にいる！」「え、なに、背中？（虫かな？）……ス、スズメかい！」 pic.twitter.com/hmzzcXv2O2

— n_ryota (@n_ryota) 2017年5月20日

資料來源：n_ryota／twitter、ShikanaiRyohei／twitter

睇埋：【有冇人讓座畀我呀吱吱】雀仔你搭地鐵想去邊呀？