唔知大家仲記唔記得打晒成份paper先嚟hand機嗰種感覺係點㗎呢？當你滿心歡喜以為自己終於可以收得工，但點知原來個天要你重新嚟過，嗰種感覺真係比死更難受呀！嗱，咪就係類似咁樣樣㗎囉⋯⋯

話說，最近有台灣網民就喺facebook post咗張相，話有職安真漢子焊好咗條鋼柱先發現自己原來未拎返把梯出嚟喎！

大家睇下，把梯畀條鋼柱卡到實一實，鋸爛把梯又唔係，重新焊過條鋼柱又唔係，畀腦細知道都唔知會唔會瘋狂問候屋企人?㗎！唉，等到焊好嘅時候先嚟後悔莫及，塵世間最痛苦嘅事莫過於此㗎喇！你哋話而家點算好嘞？唔通今次真係要大衛高柏飛出手先有得救？

btw，作為一個職安真漢子，一時失手又算得係啲咩吖？其實樂觀啲睇，而家把梯畀條鋼柱卡到實一實咪唔會畀人偷走囉！再講吖，條港豬澳大橋夠起好先發現物料唔合格，所以有機會要再起過啦⋯⋯聽日一定會更開心㗎啫，係咪呀哈姆太郎？

資料來源：Camel lo／爆笑公社