通常講親壁虎，我哋就會諗起四腳爬爬嘅George，但一叫守宮，成件事就好似得意咗咁啵。其實咪又係同一類嘢～只不過日本人叫返佢哋嘅古稱「守宮」，當佢哋寵物咁養，又影咗好多打耳嘅相啫～

呢隻守宮係咪好似望住你笑咁呢～就係因為佢呢個樣畀人Post咗上Twitter，所以由日本紅出國際，喺Twitter有成十幾廿萬人Like同Retweet呀！

佢主人見佢咁可愛，仲買咗隻同佢差唔多樣嘅玩具畀佢?。兩隻放埋一齊真係餅印咁嘅樣，一樣咁卡哇依呢呀！見到呢個微笑，Monday Blue唔見晒，心情都靚返晒！

除咗佢嗰個令人心都甜埋嘅微笑，守宮BB仲識對住你單眼放電?啵～

單眼放電都唔夠，仲要伸埋條脷仔出嚟，會唔會Chok咗啲呀？守宮BB今次可以話幫一眾爬蟲朋友洗走污名喇～簡直係吐氣揚眉呀！

雖然爬蟲類寵物冇貓貓狗狗咁多人接受到，但係好似守宮BB咁，佢哋都有可愛嘅一面㗎～不過，毛毛都仲係唔太接受到屋企見到嗰條⋯⋯

封面圖片及資料來源：589_tomo／Instagram