剷屎官，你以為每朝一瞓醒，見到主子喺床邊睥到你實一實，就表示你哋過咗甜蜜又溫馨嘅一晚呀？傻啦，主子後宮三千，其實每一晚趁你瞓咗、每一日趁你返咗工做狗，都出咗街微服出巡，只係你唔知咋……

日本有個貓奴為咗防止主子走失，就喺玄關度裝咗度木欄喇！個木欄成個人咁高，睇怕主子今次都走唔甩喇啩？

「哼，大膽奴才！有屎你唔好好去剷，竟然冇嘢搵嘢嚟做，想憑區區一個圍欄就困住朕？朕都好耐冇行平衡木喇……看招啦！喵！」

主子signal呀！奴才只係驚你出咗去日曬雨淋，又驚你成日巡視江山會太過操勞咋！（轉個頭即刻再加多塊木板喺圍欄上面，整到天花板咁高睇你走得去邊！）

「天下都係朕嘅江山！你以為係咁加高個圍欄就可以擋得住朕喇咩？朕跳！」

唉呀，奴才呀，你係咪衰呢！整到個圍欄咁高，主子如果跳落嚟整親咁仲跌得甘！你想聖上乖乖地留喺你個東宮嘅，擺多啲罐罐咪得囉，想留住佢個心，先要留住佢個胃呀！

DIY能力の高い彼氏、玄関に猫の脱走防止扉を設計・製作したんだけど、ほどなく突破されたので改良を重ねていて笑う。進撃の猫と人間の攻防戦である pic.twitter.com/QR0JQ9YKb9

— ぷっぷちゃん (@pup_chan) May 19, 2017

封面圖片、資料來源連結：pup_chan／twitter