人類成日叫喵星人做聖上呀主子呀咁，見佢哋條尾郁一郁、神情有少少唔對路就即刻去氹佢哋、開罐罐畀佢哋食，但對住汪星人就調返轉，叫自己做主人，要汪星人聽指令執波波、畀手手，咁樣公平咩！喵星人可以做聖上，汪星人都一樣有呢種自覺㗎！

嗱，一睇就知呢隻狗命中注定，非同凡汪啦，唔使算佢時辰八字都知佢成個主子格呀！話說外國有個網民話佢女朋友就喺寵物托管中心度返工嘅。日日都見到咁多狗狗，對到慣晒，正常人都唔會瘋狂影啦？但呢一隻狗狗，就令佢忍唔住要起勢咁影喇！

「朕就算降臨民間托管中心同你班草民一齊，都唔可以有失禮態㗎！絕對唔可以畀塊爛臭賤地玷污朕高貴又嬌嫩嘅屁屁㗎汪！」

呢隻狗狗咁識揀位坐，仲邊夠佢玩呀……睇返畀佢當係龍椅咁坐住嘅狗狗，都露流住生無可戀嘅神情，作出無言控訴。如果狗狗識得傾偈，佢一定想話「唔係我主人爭你主人錢，你咪使旨意我會畀你坐呀傻仔！汪汪！」

畀佢坐住嘅狗狗s呀，你哋仲唔起身？！唔係一陣就變咗堅・狗奴才㗎喇！

My girlfriend works at a doggie day care and sent me this picture today of Marlo. from aww

封面圖片、資料來源連結：highuniverse／reddit