少年，你以為每日成功喺腦細興起叫你突然「開個快會」之前閃人，就等如可以舒舒服服返到屋企呀？你係咪唔記得咗仲有迫車呢個世紀艱距任務等緊你呀？日本嘅地鐵出晒名迫，咁即係有幾迫？毛毛用例子嚟答你：

平時可以形容係「迫到痺」、「迫到死」、「迫到黐孖筋」等等，而今次，就可以話係「迫到裂」喇！一啲都冇誇張呀，日本JR神戸線一架列車疑似因為車廂入面迫咗太多人而出面裂紋，不過都好彩，佢用嘅係防爆玻璃，冇碎到一地都係，唔係就大件事喇！

JR職員收到order梗係即刻做嘢啦。（疑似幫手將啲人推入啲入啲入啲再入啲……）喺容易受傷的玻璃上面黐咗條膠紙暫時hold實佢之後，架車就出發喇！嗱，咪話毛毛唔提大家呀，呢排食日本進口嘅沙甸魚，記得check清楚入面有冇玻璃碎呀！

【悲報】JR神戸線、人身事故で混雑しすぎて窓ガラス割れる... pic.twitter.com/7jyKY6yAtZ

— Hiroaki Ueda (@uehiro) May 22, 2017

封面圖片、資料來源連結：uehiro／twitter