有留意國際新聞嘅朋友都知道啦，金仔早兩日又試射北極星2型導彈，已經係北韓今年第8次彈道導彈試射喇！唔好以為北韓同香港咁遠就唔關自己事先得㗎，如果有起咩事上嚟，真係唔知點算呀！

日本同北韓就近好多喇，最近就有日本網民影到疑似金仔導彈喺天空度飛嘅畫面啵！嘩，唔係呀嘛，影得咁清楚都有嘅！一係就個網民企喺最近北韓嘅位置度影，一係就支導彈真係好把炮好大碌嘅啫！

不過睇真少少，支導彈個輪廓又幾熟口面，又幾似東京鐵塔喎……原來呢嚿嘢，笨唔係導彈，而係爆晒光嘅東京鐵塔啫，大家放心大家放心！（Btw如果畀返金仔睇呢張相，唔知佢會唔會嚇到個心離一離呢？）

不如就等毛毛出手，幫你執一執張相啦！不過唔好意思，執極都係咁似導彈囉……睇嚟毛毛的確係一個出色嘅PS大師，而個網民都係一個出色嚟攝影師嚟，嗯嗯。

写真を撮るのって難しいね:( ;´꒳`;):
東京タワーがまるでミサイルだよ(´・×・｀) pic.twitter.com/7W26uO8wlr

— かえでぇ・ｘ・ (@0x0kaede0x0) May 22, 2017

封面圖片、資料來源連結：0x0kaede0x0／twitter