細個唔鍾意飲湯，又嫌熱又嫌麻煩，又唔知係用咩煲嘅⋯⋯大個成日捱夜OT食外賣，好日冇啖湯水飲先知阿媽啲老火湯係寶呀！想知用咩煲，自己撈下湯渣咪知囉～分分鐘連啲渣都好食㗎！不過如果撈到啲不明物體⋯⋯

好似呢位台灣網友咁，阿媽話用魚池養開啲魚煲咗魚湯喎，梗係9衝去?碗飲，再?啲渣食下啦！點知一?⋯⋯

＿你個街，手指嚟嘅喂！仲要有埋指甲同⻣，真係嚇到網友軟晒呀⋯⋯係對腳軟晒呀！阿媽，你唔係切埋自己隻手指落去煲下化？我哋冇病，唔使割肉煲湯做藥引咁偉大啵！

所以話你哋啲城市嘅小孩大驚小怪！阿媽擰轉面一望，魚胃嚟咋嘛，手咩指啫！阿媽十隻手指都喺晒度，怕咩啫！

就係十隻手指都喺齊度先驚⋯⋯不過阿媽話係魚胃，唔通你話唔係咩。有啲事都係唔好知得太多好啲⋯⋯

好多網民見睇完都係唔多信，仲叫網友報警，清清個池好啵。網友唯有上網搵埋解剖圖，解釋係邊個位啦，佢話係胃同鰓黐埋咗一齊煲所以咁喎。至於嚿嘢最後點？網友話冇人敢食所以拎去餵狗喎⋯⋯信唔信就由你喇。

封面圖片及資料來源：吳謹嘉