人生入面總會有啲毛文，你以為自己諗到啲好醒嘅嘢，到你做咗之後先知後悔莫及，如果可以返轉頭嘅話，毛毛會同嗰一個自己講三個字：「好7呀！」

有個台灣網友就想沖涼嗰陣聽下歌，但係浴室又冇地方擺電話喎，放得太遠又冇得轉歌，咁點好呢？搵嘢黐部電話喺幅牆度咪得囉！

一定要搵啲受到力嘅嘢嚟黐先得！話明黐牆，用掛牆貼咪得囉～咁都畀網友你諗到，係醒喎！（好似係）55，諗到就即刻做啦！

睇落黐得好實淨喎！但係網友呀，你直接黐部電話上去，一陣點拎落嚟呀？可惜，一切都已經太遲喇⋯⋯個電話黐實到抆唔返出嚟呀！嗚⋯⋯叫咗你用套㗎喇，用套安全啲呀嘛，而家仲點見人喎？

不幸中之大幸，網友電話個機背殻係拆得出嚟嘅，所以部機都仲拎得返嘅。但係個殻就好似默默恥笑緊網友咁長留咗喺浴室幅牆上喇⋯⋯

有其他網友形容電話嘅本體同佢個原裝機背殻就好似牛郎同織女咁，以後要等主人每次沖涼嗰陣先見到對方⋯⋯真係一個可歌可泣嘅愛情故事呀！

封面圖片及資料來源：廖怡婷