「卡哇依呢」呢個日本棒球look細路仔嘅廣告我哋由細都睇到大啦，個男仔有啲baby fat，塊面圓碌碌，都真係幾可愛㗎～原來唔只廣告入面嘅棒球員卡哇依呀，現實嘅棒球員都一樣咁卡哇依㗎！

打波都要唞下氣㗎大佬，呢兩位日本棒球手就喺場邊傾緊偈喇，背住鏡頭嗰位仲一邊傾一邊同手晾住枝球棍，個甫屎又幾型仔喎！見到正面嗰位就係杉谷拳士喇，唔知佢摸緊咩呢下……

點知傾傾下，枝球棍竟然啪一聲斷咗！嘩唔係啩，借個力啫，枝球棍咁粗都可以一嘢拗斷，睇嚟呢位棒球手真係唔嘢小喎！

可憐嘅杉谷嚇到成隻樹熊咁，拎住隊友輕鬆拗斷嘅球棍殘枝，一睇佢個表情就知佢內心嘅驚訝程度仲高過佢出世第一眼見到呢個世界！

可能你心諗，明明一嘢啪斷枝球棍喎，見到都痛啦，同開頭講嘅卡哇依有咩關係先？咩呀，乜你唔覺得杉谷呢個樣好cute cute嘅咩？

封面圖片、資料來源連結：sdart2／twitter、nikkan sports