加拿大總理出名靚仔，唔少妹豬一見到佢啲相就已經濕晒⋯⋯流晒口水呀！如果畀妹豬睇到佢又有童真，又有愛心嗰一面，肯肯定暈晒大浪呀！

是咁的，加拿大一個兒童特備節目喺芸芸嘅小朋友當中揀咗一個5歲嘅小妹妹做幸運兒，奬品就係去總理辦公室體驗做一日總理呀！

問小總理想做咩，妹妹竟然話想喺總理個Office度砌枕頭城堡喎！Um⋯⋯妹妹畀下面吖，話晒呢度都係總理office喎～不過小總理開到聲，暖男總理又點會托佢手踭吖，今日小總理大晒㗎嘛～

總理杜魯多即刻就幫妹妹用櫈仔同咕?起咗個堡壘，仲同佢一齊拎起張有加拿大楓葉紋嘅氈鋪個堡壘面，咁就完成咗妹妹嘅Dream Pillow Fort喇～

起完個堡壘仲兩個人一齊匿入去?。你睇下妹妹笑得幾冧，仲準備咗件寫住「 Prime Minister for Everyday」嘅T恤送畀靚仔總理?啵。上面大大隻字寫住總理個名㗎！

唉，望住呢輯咁溫馨嘅相，你叫睇住侵侵推開人哋霸位影相嘅美國人情何以堪呢？點解人哋個國家領導人又靚仔又有愛心，自己嗰個就⋯⋯美國嘅朋友你哋放心啦，you are not a窿，香港人明㗎，我哋真係明㗎⋯⋯

封面圖片及資料來源：cbckids／twitter