日本人嘅創作力量同幻想真係隨時都嚇大家一跳。自製書簽嚟講，用乾花、枯葉呢啲材料嚟整書簽就見得多啫，估唔到而家竟然有日本網民諗到用撻漬嚟做書簽喎⋯⋯到底一撻漬係點樣變身成為一張書簽呢？而家就等毛毛同大家一齊睇下啦！

其實所謂嘅「有漬書簽」，咪即係將撻漬整上去塊長方形嘅透明膠片度囉。滴幾滴搞掂，整呢張書簽所用嘅時間真係仲快過煮杯麵呀！就係咁，呢位網民就完成咗一張獨一無二嘅書簽嚕！

大家睇下，將呢張書簽夾喺本書入面，第一眼望落去嗰下真係會以為本書污糟咗咁㗎～（嗯嗯，不過假如閣下本身係潔癖人士嘅話，咁呢張書簽就唔多啱你嘞⋯⋯）

除咗「有漬書簽」之外，其實日本人都設計過唔少食物模型書簽。呢啲食物模型書簽咁逼真，望住佢哋，就算你唔用「有漬書簽」本書都一定有漬啦⋯⋯I mean口水漬呀！

老老竇竇，其實而家仲有幾多人係會睇實體書吖？好似呢位網民咁，為閱讀自製少少樂趣，咁咪睇書都睇得開心啲囉。

一瞬「やっちまった！」という気がする栞を作ってみました。

人の本にコッソリ差し込むと良さそうです。 pic.twitter.com/baYIdom2VE

— nanka (@nankasince2016) 2017年5月26日

資料來源：nankasince2016／twitter、yamamotogen1209／twitter

睇埋：【見到都餓】扮晒食得落肚嘅超逼真食物書籤