2017年05月30日 星期二
【傻豬嚟嘅】泰國大隻士兵驚抽血驚到喊晒口
乜你以為淨係小學雞先會一見到針頭就爆喊咩？呢個21歲嘅大隻仔咪又係一樣驚到喊晒口！
話說，最近網上流傳咗一段泰國士兵抽血嘅片段。雖然片中呢位泰國士兵四肢發達、周身肌肉，成個吳剛師傅咁款呀，但輪到佢進行抽血檢查嘅時候，佢就驚到猛咁掙扎，成個細路仔咁嘞！
「媽咪呀！好驚驚呀！」
佢一時用手遮住自己對眼唔敢睇，一時又依嘩鬼叫咁樣樣喎⋯⋯喂大佬，抽血啫，有冇咁得人驚呀？好在，全靠一眾姑娘好似個阿媽咁不斷安撫佢，加上fd子又喺後面用手撳住佢個膊頭唔畀走，軟硬兼施，咁佢最後先可以成功抽到血咋！
唉，你睇下你似咩樣，唔拍低佢擺上網我仲係兄弟嚟嘅？
睇埋片：
