話說，早幾日有位叫Rosie嘅台妹見男朋友就嚟生日，於是決定親手整個生日蛋糕送畀男朋友⋯⋯喂咪住先，Rosie又話整生日蛋糕嘅？呢兜紅噹噹嘅嘢係咩嚟㗎？唔通Rosie突然改變主意，發現生日蛋糕太難整，所以改為整紅雞蛋？

嗯，係紅雞蛋染料都冇咁驚⋯⋯原來呢盒係經血嚟㗎！Rosie話佢要整經血糕喎！

首先，Rosie將自己嘅經血同便利店買返嚟嘅飯糰撈埋一齊，然後再將攪拌好嘅材料放入錫紙兜，最後蒸熟埋嚿經血糕就搞掂㗎喇！登登登櫈，一嚿新鮮滾熱辣嘅經血糕就咁就完成咗嚕！而Rosie拎起嚿啱啱蒸好嘅經血糕嚟聞嗰陣，佢仲話嚿經血糕有少少焦糖味同粉圓味，係「甜甜的味道」?⋯⋯

到咗第二日，Rosie知道男朋友要上嚟之後，佢仲好細心咁將嚿經血糕煎返熱⋯⋯

好嘞，終於到咗男朋友要試食嘅環節！喺男朋友未入屋嘅時候，Rosie已經揸定嚿經血糕喺門口stand by，等到男朋友一開門，佢就將嚿經血糕隊入男朋友個口裡面⋯⋯嗚哇，係台妹的味道呀！

起初男朋友未知道真相嘅時候仲猛問嚿嘢係咩嚟，又問點解嚿嘢凍冰冰，然後當Rosie開估之後，男朋友就即刻嘔都嘔唔切，衝咗入廁所喇！雖然Rosie事後自彈自唱生日歌氹返男朋友，但男朋友個樣都仲係好無奈，唔知好嬲定好笑咁。

唔少網民睇完呢條片都話好核突，批評Rosie咁做唔尊重男朋友，又問Rosie知唔知經血有好多細菌、如果男朋友整精液糕畀佢食佢接唔接受到等等。

不過男朋友就留言表示唔覺得自己不被尊重，仲話好支持Rosie，希望大家唔好再批評佢咁話喎⋯⋯係真愛呀哈利！嗱，既然當事人玩得起又玩得開心，咁⋯⋯咁咪好囉。

完整片段：

資料來源：Rosie／YouTube