通常嚟講，將食物碳化呢種超能力都係得地獄廚神先有，但勢估唔到，眼前呢兜比炭更似炭嘅不知名物體竟然係出自一位廿四孝阿媽嘅手中囉⋯⋯大家睇下，唔話畀毛毛知呢兜係食物嚟嘅話，毛毛仲以為呢兜真係炭呀陰功！

是咁的，話說最近有位台灣媽媽就喺網上post咗幾張黑暗料理照，話一邊湊仔一邊煮飯真係一個不可能的任務嚟喎！唉，佢咪就係因為自己要一邊湊仔一邊煮飯，所以一時兼顧唔到咁多嘢，搞到一煲本身好靚仔嘅蘿蔔燉肉搞到而家咁樣樣囉⋯⋯

你唔信呢煲曾經係蘿蔔燉肉？嗱，畀埋佢未碳化之前個樣你睇嘞！

唔係你估，你以為阿媽真係咁易做咩？所以話呢，做人阿媽甚艱難，大家有時間就記得多啲返屋企陪阿媽食飯，唔好次次阿媽叫你食飯、飲湯、著多件衫、出街、記得帶遮嘅時候都「得啦！得啦！」咁喇知冇？

資料來源： 仁山街劉嘉玲／●【爆廢公社】●