去日本玩，間間便利店都要入是常識吧！行到攰攰地，買杯雪糕、買支凍飲就最爽㗎喇，見到7仔仲唔狗衝入去咩！

世上最遠嘅距離，原來係間7仔就喺我面前，但我偏偏唔可以一條直路行入去……喂大佬，門口咁大條圍欄，即係要我兜一大個圈先入到去啦？定係想我扮劉翔呀？日本人嘅設計不嬲都好出名，冇奶油會犯呢種低級錯誤㗎啵。再唔係，喺條圍欄中間鋸幾鋸，開返個入口都唔係好難啫？

原來呢間7仔咁樣設計係有原因㗎，就係驚啲小朋友一出門口就衝咗出馬路，會發生危險！係咪突然覺得好細心先！咁又係嘅，小朋友買完雪糕心情咁high high high，有時真係捉住捉唔住㗎。為咗大家安全著想，兜多個圈都冇法啦～

唔好睇小呢個圍欄呀，你睇下呢個超市出入口，一出嚟唔夠10步就已經係停車場，如果小朋友跑咗出嚟都唔知點算呀，你話幾牙煙先得㗎！

不過呢，喺泊車位前邊整兩條柱，毛毛就解釋唔到喇，請問有冇高手可以解答下呀喂？

いや、絶対ジジババ対策だろw pic.twitter.com/DXv4wL2GzU

— I's Studio (@ETT_K2T2_KABA) May 30, 2017

封面圖片、資料來源連結：ETT_K2T2_KABA／twitter

睇埋：【點泊啫大佬】喺個車位前面整兩碌柱係咩玩法？