弱弱一問，有冇人鍾意食生蠔？有冇人鍾意食綿綿冰呀？嗱，如果你兩樣都鍾意食嘅話，咁就啱晒嘞⋯⋯唔知呢款上面鋪滿新鮮生蠔嘅牛奶綿綿冰大家又想唔想試下呢？

咩話？爭咩吖，溝埋一齊做生蠔綿綿冰吖笨？

話說，早前有台灣網民就分享咗張相，話自己啱啱食完生蠔牛奶綿綿冰喎。一隻隻鮮甜肥美嘅生蠔，再加上入口即溶嘅牛奶綿綿冰⋯⋯呢個組合係咪幾有創意呢？嗯嗯，雖然呢個組合係幾有創意，但唔少網民都表示「我不能接受.jpg」，又話話隔住個mon都覺得腥咁喎！

睇多6種你未必想擺落口嘅奇怪食物組合：

1）湯麵雪條

湯麵大家就食得多，唔知湯麵雪條大家又夠唔夠膽挑戰呢？計毛毛話，熱食凍食呢家嘢其實好死㗎啫，夏日炎炎唔想食熱嘢咪整返條湯麵雪條囉，55！

2）公仔麵 x 月餅

月餅新食感！唔知呢個公仔麵月餅入面啲麵煮熟咗未，定係好似媽咪麵咁脆卜卜嘅呢？如果加返媽咪麵包味精落去，應該都幾好味嘅⋯⋯

3）酒浸月餅

到底雙黃白蓮蓉味嘅米酒／白酒／威士忌／伏特加飲落口會有咩感覺㗎呢？

4）火龍果炒牛肉

火龍果本身嘅味就唔係好濃，但加上惹味嘅炒牛肉之後，就連火龍果都充滿牛肉嘅味道！

5）香蕉炒西瓜

講到用生果嚟煮餸，呢一味「香西」就肯肯定係難度最高嘅菜式！要將呢兩樣材料炒埋一碟已經難㗎啦，但個廚師竟然炒得夠鑊氣之餘，啲蕉仲要炒得唔爛喎，咁高超嘅廚藝，點到毛毛唔寫個服字畀你呀？

6）奇異果煲粥

先唔講煲奇異果粥係咩味，嗰兩條軟綿綿好似ss咁嘅飄浮物體係咩嚟先？

資料來源：林米兒／●【爆廢公社三館】●、虎撲體育、新浪遼寧、國際在綫、zenyalin／ptt