2017年06月01日 星期四
澳洲公司搞Party冇人去 索性邀請露宿者參加
最近，澳洲一間叫「The Langley Group」嘅公司就諗住喺某間五星級酒店度搞個party，點知當佢哋book好場、落晒訂嘅時候，佢哋就發現原來根本冇乜人報名參加個party⋯⋯重點係，假如報名人數不足嘅話，個party就要臨時取消，而之前落咗嘅訂都冇得攞返㗎！
喂老老竇竇，既然錢又冇得退，場又book好晒，咁不如當做慈事益下街坊啦？最後，呢間公司同酒店方面商量過之後，決定透過慈善機構邀請接近100個露宿者嚟參加呢個party！
其中一位「The Langley Group」嘅員工就表示，露宿者好多時候都未必食得飽，而家有機會可以同露宿者分享食物都令佢哋覺得好開心。
雖然只係一餐飯，但呢班露宿者嚟講，呢餐飯就令佢哋知道自己冇被大眾忽視，係一件非常有意義嘅事。食物冇浪費，又可以做到慈事，相信呢個應該係最完美嘅結局！
