日本嘅100円店，即係好似香港嘅12蚊店咁啦（以前10蚊有交易喇），乜東東都有得賣，由家居雜貨到扮靚用品都有，平平地買嚟用下都唔錯㗎～唔好以為平嘢就冇好啵，只要花少少心思同時間，蔗渣價錢都可以做出燒鵝味道㗎！日本有個模型高手就將髹模型嘅技巧用喺手機殼度，成功將普通透明手機殼改裝做自護公國Zeon款式喇！

主角就係呢個嚟自100円店嘅透明手機殼喇，而家呢個樣，感覺咪臭係鴨記廿蚊個咁嘅貨色囉。

等我變身先！首先上一層白色先，再上一層啡啡地嘅色扮係生鏽。

跟住，就係秘技大公開喇！之前兩層色都乾咗之後，就噴一層頭髮噴霧（令到曲髮更加有彈性嗰種，好似係），先至再上淺綠色。

用膠紙黐住條邊之後，就可以放心髹條直線出嚟喇。然後，用海綿刮走面層嘅淺綠色，整啲假鏽跡出嚟，再貼埋個Zeon貼紙，咪大功告成囉！係咪好易呢，睇落！改裝咗之後，賣兩嚿水都仲得呀，shut up and take my money！

​

睇返呢位超強高手嘅twitter，經佢手嘅改裝手機殼仲有另一款㗎～喂，聽講你喺100円買咗唔少材料返嚟啵，手機就得一部，邊用得晒咁多個套啫，整一個嚟玩下吖？

ピグメントという顔料で粉っぽい錆を表現しつつ剥がした部分の輪郭をぼやけさせて、色味の調整。
タミヤのウェザリングカラーを塗ってエナメル拭き取りでウォッシング。
最後に錆だれ、リアルタッチマーカーで点を描いて乾く前に綿棒で上から下に擦っただけです。 pic.twitter.com/LK88b8XGIZ

— niiharu (@niiharu80) May 29, 2017

封面圖片、資料來源連結：niiharu80／twitter

同場加映：【雜貨大改造】100円店簡直就係cosplay道具天堂呀！