最近，有英國網民就喺Facebook Upload咗條片，佢話自己個Fd子揸住架普通到唔普通嘅平民貨車都可以鏈得贏人哋架林寶堅尼跑車喎⋯⋯嘩，係真唔係呀？等毛毛同大家一齊睇過！

比賽規則好簡單，比賽一共分為三個回合，一個燈位為一個回合。唔理雙方車手使出啲咩手段，都唔理車手喺比賽中途會唔會受到其他車輛阻礙，總之可以成功爬過對方頭嘅就為之勝出！321，Go！

第一回合，貨車司機一起步就已經畀架林寶堅尼爬頭，貨車追都追唔到，林寶堅尼先贏一局。 

嚟到第二回合，貨車司機依然好有信心，可惜結果同第一個回合一樣，林寶堅尼話咁快又秒殺咗架貨車喇⋯⋯

終於嚟到比賽最後一個回合，到底貨車司機可唔可以喺第三個回合贏返一局咁多呢？睇怕都⋯⋯咦唔係啵，林寶堅尼突然畀前面架車塞住，局住慢駛，而貨車司機就喺呢個毛文踩行油衝過去，呢位貨車司機終於爬到架林寶堅尼頭喇！我真係恭喜你呀！

係，雖然一切都只係呢位貨車司機嘅FF，架林寶堅尼根本就冇同佢嚟真，但⋯⋯而家FF下唔得呀？我夠想有架林寶堅尼同人哋鏈咯！

完整片段：

資料來源：Nathan Reilly／Facebook