似乎喺日本野生捕獲到明星嘅機會真係多啲咁啵⋯⋯

話說，最近有台灣網民趁住端午節假期就同屋企人跟團去咗東京旅行，點知正當佢哋去到成田機場，check晒in、拎晒行李、諗住搭旅遊巴嘅時候，導遊突然話「不要被記者大哥們把我們拆散」？咦，做咩機場會有咁多記者㗎呢？唔通入面發生咗啲咩大單嘢？

哦，原來成田機場之所以有咁多記者喺度，笨唔係因為入面發生咗啲咩大單嘢，而係《Running Man》喺度拍攝緊呀！

大家睇下，係李光洙、劉在錫同池石鎮呀⋯⋯我最想見到嘅人竟然咁啱喺度畀我見到佢？我真係好好彩、好好彩呀！

呢位咁好彩嘅網民表示，估唔到第一次野生捕獲嘅明星會係係《Running Man》成員。雖然今次只係見到部分《Running Man》成員，但佢已經好心滿意足㗎喇！（嗯，咁都畀你見到其中三個RM喎，仲唔心滿意足咩⋯⋯）

資料來源：dcard