聖經話過，愛是含忍的；朋友就話，愛唔係得把口，係要做出嚟嘅；而單身狗就話，愛係……我點知啫，我乜戀都未試過呀！

即然係咁，今日毛毛就扮下戀愛專家，帶你睇清楚戀愛嘅真面目啦！啲愛情小說、愛情KOL同你長篇大論咁講都係冇用㗎，講得愈多好似愈叻咁㗎咋，其實戀愛呢家嘢，就一字咁淺㗎啫！嗱，呢個就係個戀字（日本漢字版）喇！單戀相戀苦戀痴戀異地戀姊弟戀師生戀，乜戀都係呢個戀字！

成日將個戀字掛喺口唇邊，你睇清楚佢嘅真面目未呀！擘大眼睇下啦！

變！態！

冇錯！就係變態！咁多位沉淪戀海嘅人，醒未呀！無論乜戀都好，其實拆返開都係由變態組成㗎咋！不過你唔好誤會毛毛話人黐線呀，其實我哋成日迷戀一個唔愛自己嘅人，為咗佢而改變自己原有嘅狀態去盲目遷就對方，咁樣都算係一種變態吖。

係咪覺得毛毛講得好有大道理，直頭好似你嘅知音咁呢？不過都唔好忘記呀，知音嘅真面目其實都只係智障……

pic.twitter.com/y9HIrWYAMe

— 丸山夕佳/MARMELO (@marmelochan) June 3, 2017

封面圖片、資料來源連結：marmelochan／twitter、洪志宇／鋼筆旅鼠本部連