啱啱開始養寵物，好多人都會揀龜同魚，貪佢哋易打理吖嘛～但係易打理唔係唔使打理，都要換下水，餵下糧先得㗎，如果唔係養咩都死啦⋯⋯

弊在而家搞親啲咩嘉年華、年宵之類嘅嘢，都總會有人搞埋啲撈魚撈龜嘅檔攤，雖然都有啲人帶咗啲龜龜魚魚返去會好好咁養大佢，但係都有唔少係貪得意，拎返屋企就放埋一二邊㗎。

嘩，你唔係話畀毛毛聽用呢兜污水嚟養魚下化？有魚都死L晒啦！原來呢個魚缸嘅主人係一個16歲嘅妹豬，佢喺年半前玩嘉年華贏咗呢缸魚之後，除咗間中餵下魚就冇理過佢喇⋯⋯有冇搞錯呀！

個缸除咗氣泵就咩都冇，就連過濾都冇呀陰功⋯⋯但估唔到魚仔嘅生命力咁頑強，居然到咗今時今日都仲生存緊呀！

而呢個妹豬咁啱就係網友個侄女，網友見到條魚咁慘，終於忍唔住要出手救佢喇！不過原來換水都有學問㗎，唔可以一次過換，唔係條魚會死㗎！因為條魚已經適應咗一個咁污糟嘅環境，突然太乾淨佢反而會唔習慣㗎，所以要慢慢溝返乾淨啲水先。好彩網友有問咗專業人士意見先啫～唔係就救你變成害死你喇！

網友仲幫魚仔準備咗個新屋企，又闊落又乾淨，真係給魚仔一個五星級的家呀！

魚仔已經住咗新屋幾日，睇嚟都適應得唔錯喎，新主人仲話想買多幾條魚仔陪佢?～Btw，其實毛毛嘅居住環境都好惡劣㗎，仲好努力咁生存咗好多年?，唔知幾時先有人會買間新屋畀毛毛住呢？

封面圖片及資料來源：Oddlyduckish／imgur