大家有冇試過畀蟹鉗鉗親呀？喂，唔係講笑，畀蟹鉗親真係可大可小㗎！曾經有人就試過畀蟹鉗鉗親手指，最後因為傷口處理得唔好，搞到發炎兼休克呀⋯⋯嘩嘩嘩，原來蟹鉗咁危險㗎，唔怪得啲奸商商人要用咁多又粗又厚嘅橡筋嚟挷實啲蟹啦！

話說，最近天津有網民用大約500蚊人仔買咗兩隻蟹返屋企，蟹1斤賣150蚊人仔，即係呢兩隻蟹大約重3.33333斤左右啦。而正當呢位網民諗住幫兩隻蟹鬆綁嘅時候，佢就發現用嚟綁住呢兩隻蟹嘅橡筋竟然足足有成18條咁多嘅喂？

sorry，18條係講緊粗橡筋咋，毛毛都仲未計埋啲幼橡筋⋯⋯正確嚟講，應該係有18條粗橡筋同埋幾廿條幼橡筋先啱呀！

嗯嗯，綁兩隻蟹啫，使唔使出動到咁多橡筋呀？咁多橡筋，綁埋毛毛都夠用啦⋯⋯

btw，最後呢位網民再用秤秤下啲橡筋，結果發現原來淨係啲橡筋都有成斤咁重㗎！數學題：小明用500蚊買咗2.33333斤蟹同1斤橡筋，求小明心理面積？

資料來源：寥秋寒雨爭叫回憶瘦／微博