買嘢返到屋企先發現件貨變壞或者過期都唔算出奇，但係買完放喺屋企咩都冇做過，件貨突然爆開了，咁就好得人驚喇！唔係話某國的先會爆炸㗎咩？

呢啲時候除咗拎埋件貨條屍同埋張單去找間舖頭䀲氣，仲可以點？嗱嗱嗱，其實接投訴嗰個都係打份工啫，不如用啲溫和啲嘅方法，咁咪你好佢好大家好囉～

好似喺英國買咗支茄汁返屋企嘅David，點會諗到支茄汁會自殺式爆炸，噴到周圍都係，仲要連佢支啡醬同煲都遭殃埋呀！咁佢咪Post上Twitter Tag埋賣茄汁嗰間超市，等客戶服務員覆返佢囉。

不過年中有咁多單投訴，要吸引到佢哋盡快覆，除咗發爛渣仲可以做咩？咪臭係搞事囉！仲要有咁大得咁大?啵！

講緊嘅係幫支茄汁大搞個葬禮呀！仲要連生還者阿煲仔都一齊出席呢個悼念儀式，真係好感人呀⋯⋯茄汁，你安心去啦⋯⋯呢個時候，公關終於出現喇！要跟Case就梗係要鑑證下，起碼嘟下個客⋯⋯支茄汁個Barcode先啦～

點知David原來咁快手，已經幫支茄汁入土為安喇！仲問使唔使掘返支茄汁條屍畀客戶服務小姐望望喎。

客戶服務員呢個毛文除咗R.I.P.都唔知畀咩反應好，諗住叫David畀張會員卡資料佢跟算啦，點知佢又咁鬼馬，話唔知支茄汁係咪畀狐狸掘咗出嚟定變咗喪屍爬咗出嚟，仲叫客戶服務員要睇L住呀！

雖然David分明係搞事，但係客戶服務員接到個咁幽默嘅客，都應該會開心過接到啲某方向客嘅⋯⋯起碼唔使受氣之餘仲可以笑一餐呀。

封面圖片及資料來源：DaveyCCC／twitter