朝朝早都早餐A、B、C，唔係五香肉丁就雪菜肉絲，真係好唔Healthy囉！間中不如食返啲light啲嘅早餐，例如啲咩Siri奧，即係榖類早餐咁吖！倒啲奶或者Yogurt就食得，真係既方便又快捷呀！

而家啲榖類早餐仲要咁多花款，又星星又格仔咁，仲有朱古力味同其他味嘅選擇，真係好難揀呀！

揀邊款好呢～就你啦！聽講呢款係台灣便利店嘅新產品嚟㗎喎，咁網友咪諗住睇下點輕盈得嚟又飽足囉！仲話有纖果脆片?，應該都幾營養豐富嘅～

媽呀！使唔使營養豐富到咁呀？仲要條條都咁肥美，說好啲榖類早餐呢！唔通畀啲蟲蟲食晒？定係有人想練天蠶神功，所以喺碗嘢度加料呀？

睇清楚啲，原來呢一堆笨唔係蟲嚟㗎！真相只有一個！原來呢啲只係爆開咗嘅黑糯米啫～想嚇死人咩？食個早餐都畀你嚇到心都離一離呀！

其實呢個牌子嘅乳酪榖物早餐仲有出其他味㗎，另一款望落明明都好正常㗎，點解藍色包裝嗰隻搞成咁㗎呢？不過據說個味道係唔錯嘅，好似係。所以你哋去開台灣嘅話，不妨買返杯畀啲朋友做手信，仲要倒埋落第二隻碗度，睇佢敢唔敢食吖？

封面圖片及資料來源：陳韋安、chiao221／Instagram、電影《摩登如來神掌》截圖