有睇過《他來自江湖》都知啦，金金金加埋就係鑫，讀陰；水水水加埋就係淼，讀秒吖嘛～咁...…魚魚魚呢？牛牛牛呢？毛毛都唔識㗎，不過就幫大家查咗字典喇！

鱻    

魚魚魚加埋嘅呢個鱻字有成33劃，原來係解做味道鮮美，係「鮮」嘅異體字。喺古代係指魚生，仲要係好fresh，好好味嗰隻㖭！

毛語錄：「想不到這麼快已經到了社會新鱻人找工作的季節了！」
 

犇

毛毛望到呢隻字，就問身邊朋友，佢係唔係叫牛牛牛。犇係代表有好多牛奔跑嘅意思，佢同時都係奔嘅異體字。

小典故： 喺 《荀子．議兵》入面出現過一句「勞苦煩辱，則必犇」，就解作畀老百姓去做一啲辛苦麻煩嘅工作，就一定會逃跑。《史記．衛康叔世家》都寫咗「周厲王出犇于彘。」，而有唔少轉載已經將犇改咗做奔字，都係解作奔跑～

毛語錄：「HJ2Q，犇周都損。」

羴

唔知大家見到魚魚魚同牛牛牛會唔會諗到羊羊羊呢？其實羴係羶嘅古字。《說文解字》入面就講咗羴嘅解釋：「凡羴之屬皆从羴。羶，羴或从亶。」

嗯～毛毛知大家都唔會明㗎喇！其實毛毛都唔太明，不過都知道羴可以解做羊群，或者羊身上嘅臊味咁囉～

毛語錄：「毛毛很鍾情羊的腥羴味，喜歡到想買腥羴味的香水呢！」

不過毛毛最近見到怪字「冰冰冰」，喺網上查都查唔到，連打都有困難。如果大家知到點解，麻煩話返比毛毛知，多謝唔該thank you感激晒～

資料來源： 東蛙池塘／ 痞客邦PIXNET