執衫最痛苦嘅時刻，就係執到上季買嗰件衫，但你已經再著唔落喇⋯⋯真係比砒霜更悲傷呀！不過唔緊要，舊嘅唔去新嘅又點嚟呢？咁先有理由shopping㗎嘛！

不過呢位網友就犀利喇，喺佢正值青春期不斷長高嘅時候，都可以著足件衫7年！放心，唔係著件衫7年唔洗，係7年開學禮都著住同一件衫影開學相呀！

有圖有真相，呢件衫唔止陪伴佢一齊成長，仲見證一個少年長歪的奇妙旅程⋯⋯明明頭幾年都仲係眉清目秀，點解最後幾年⋯⋯

會變咗《Bubble Boy》個主角咁㗎！不過算啦，每個人都總有啲不堪回首嘅黑歷史嘅⋯⋯叫你睇返自己中學啲相，你都會忍唔住大嗌「媽呀！好7呀」啦～

最估唔到都係，今時今日呢位網友keep住呢件衫之餘，仲要著得落喎！變咗個佬，身材都仲keep得咁好，係好嘢喎！

其實毛毛都有件著咗好多年嘅衫㗎，點解仲著得落？因為係一件穿窿穿到就嚟有著等於冇著嘅睡衣囉，有時著耐咗啲衫，有自己陣除，真係會唔捨得掉㗎⋯⋯你係咪都有衝動搵返以前好鍾意嗰件衫出嚟呢？

封面圖片及資料來源：TheSmarmyBum／twitter、Stephy_bello／twitter