開講都有話，冇咁大個頭就唔好戴咁大頂帽。而家你冇咁大個鎖匙扣又做咩用咁大個紙皮箱啫？唉，地球病緊喇！

話說，最近有日本網民喺Amazon網站買咗三件貨品⋯⋯嗱，明明呢幾件貨品嘅體積都唔算好大咋嘛，而且其中一件貨品仲要只係一個鎖匙扣嚟?，但到呢位網民收貨嘅時候，佢竟然收到三個大紙皮箱？

弱弱一問，一件貨品用一個紙皮箱嚟裝，呢啲係咪叫做獨立包裝呀？

大家睇下睇呢個鎖匙扣幾咁空虛寂寞凍，一個空蕩蕩嘅紙皮箱入面就淨係得佢一個鎖匙扣咋！連呢位網民見到呢個咁可憐嘅鎖匙扣都忍住唔話：「呢個用信封寄咪得囉。」

最後，呢個網民仲將呢幾件貨品擺埋入同一個紙皮箱度，話就算全部貨品擺埋入同一個紙皮箱度都綽綽有餘?⋯⋯到底點解要用三個大紙皮箱嚟裝呢？嗯，唔通人哋以為你係貓奴又要話你知咩？

資料來源：2ch