夏日熱辣辣～好熱好熱～咁熱不如去海邊，游個靚水，睇下靚女啦。不過啲靚女個個著晒比堅尼三點式咁誘人，會唔會越睇越㷫㗎？其實關咩少布事吖，「死庫水」咁密實嘅泳衣都可以搞到毒L充滿FF啦～

要令毒L慾火全消，就要從根部入手！唔使咁驚～係叫啲妹豬著返件完全摧毀幻想嘅泳衣啫⋯⋯

媽呀！我究竟睇咗啲咩呀！ 好地地嘅一件頭泳衣，點解會變咗個毛茸茸嘅心口㗎？

原來呢件係外國一間T恤公司設計嘅傑作，仲整咗唔同膚色嘅款嚟配合唔同人嘅需要?，真係好貼心呀！但係呢個咁狂野嘅設計著喺啲妹豬身上，你有冇諗過其他人嘅感受呀⋯⋯

好似呢個阿媽咁，著住呢件泳衣話要同仔女一齊去游水，仲要喺佢哋面前篤一篤嗰個性感的LinLin⋯⋯

你睇下阿仔個反應，爭兩塊樹葉就完美演繹到「唔L係呀」嘅神髓喇！阿媽，你唔好玩啦，你咁搞法，以後阿仔有陰影，抬唔起頭咁點算呢？（毛毛講緊嘅係畀啲同學仔見到，阿仔畀人笑到抬唔起頭咋，你諗咗去邊呀！）

邊個話呢件泳衣係女人先著得㗎，兄弟們如果一直都好嚮往好似老一輩個007辛康納利咁，個心口生滿胸毛咁Sexy，都可以著嚟自high下㗎～不過毛毛最想知嘅都係，呢位阿哥下面唔會勒得好辛苦咩？

封面圖片及資料來源：belovedshirts／Instagram