聽親啲做咗阿媽嘅人講，都話生仔真係好恐怖㗎，就連做老公嘅都未必夠膽入去睇足全程呀！

但係呢個12歲小妹妹就犀利喇，人仔細細就話要跟埋入去睇阿媽生細佬喎，嘩，妹妹你咁勇呀？原來早幾年阿媽生上一個細佬嗰陣，妹妹都有話想睇㗎喇，不過老竇同阿媽話佢仲細喎。咁而家12歲夠大未呀？

估唔到呢個時候竟然係醫生同阿媽講，不如叫佢著埋手術衣幫下我手吖～醫生，你講笑咋？

醫生係唔會同你講笑㗎，佢真係畀妹妹幫手接生吖！仲要叫妹妹幫手拉細佬出嚟?，你睇下妹妹個樣幾感動？

「嗚哇！以後又多個人爭我啲零食喇⋯⋯」

傻啦，妹妹又點會咁諗呀？人哋係感動到喊咋～你睇下妹妹個樣仲開心過聽到8號風球唔使返學呀！

醫生仲交咗另一個神聖嘅任務畀妹妹做?，就係幫細佬剪臍帶喇！嗱嗱嗱，妹妹你剪還剪，唔好剪錯第二條呀，唔係細佬都變細妹㗎喇！

好彩妹妹最後都使命必達！睇佢攬住細佬幾開心？梗係啦，話晒係自己親手迎接細佬嚟呢個世界喎～最重要嘅係，所有細佬妹啱啱出世嗰陣都好可愛嘅，但係大個啲就⋯⋯唉⋯⋯

封面圖片及資料來源：Nikki Smith、KCBD NewsChannel 11