2017年06月14日 星期三
【你玩晒啦】越南髮型屋出動半裸大隻髮型師吸客
你的樣子如何，你的客源也必如何？
最近，越南河內市一間髮型屋為咗吸客，特登請嚟一班高大有型兼靚仔嘅大隻髮型師坐陣。喂唔係講笑，呢班大隻髮型師真係好吸得客下㗎！佢哋幾個啲丁圖相post咗上呢間髮型屋個facebook page度一個星期咋嘛，個post就已經有成十幾萬個些牙喇！事不宜遲，即刻睇仔先！
大家睇下，呢班大隻髮型師赤裸上身，露出一排排朱古力，而且條頸度仲打住一條性感的呔?⋯⋯嗚哇，唔講仲以為佢哋係《鴨王》嘅演員，i mean佢哋真係成個電影明星咁出眾呀！唔怪得一眾女網民見到佢哋就心心眼啦！
「小姐，你邊度痕呀？」
唔少女網民話，一見到呢幾位大隻髮型師就連個頭本身唔痕都變痕呀！唔止咁，有女網民更加表示，就算畀呢幾位大隻髮型師剪7咗個頭都唔介意?！（喂，會唔會係咁呀⋯⋯）
估唔到而家呢個年代連做個髮型師都要大有型兼靚仔，睇嚟毛毛第時劈炮唔撈又少個選擇喇⋯⋯55。弱弱一問，有冇靚女髮型師可以安撫一下毛毛嘅弱小心靈呀？
