香港地，嚟自世界各地嘅人都有，相信大家對戴住頭巾嘅穆斯林女性都唔會陌生嘅。但係你又知唔知佢哋點解要戴頭巾出街先？伊斯蘭教規定，女性信徒要喺嚟一次M之後就開始戴頭巾，將手同面部以外嘅身體部位遮住，不過都唔係話24小時都要戴嘅，如果當時冇可以結婚嘅男性（例如堂表兄弟、外人等等）在場，就唔使戴頭巾喇。

穆斯林女性畀人嘅印象都比較保守，但其實佢哋一樣會受到日本潮流影響，鍾意玩Cosplay㗎！不過你可能會諗，佢哋好多身體部位都唔可以露出，又要戴住頭巾，玩起Cosplay上嚟咪好多限制？

原來有班後生穆斯林少女諗到，索性用唔同顏色嘅頭巾代替假髮，當係造型一部份，突破限制呀！

唔好以為頭巾淨係包實個頭，會冇乜變化呀，其實除咗顏色，仲有唔同包法，咁咪可以Cos到唔同嘅動漫角色囉！可以成功喺宗教同興趣之間攞到個新平衡，呢班Coser嘅創作力量同幻想都真係唔睇得小呀！

おはようございます！ (✿´‿`) Just updating
my twitter! ?❤ pic.twitter.com/iC4MQHpN5E

— Kur0m1 (@Farah_Otaku1997) June 3, 2017

封面圖片、資料來源連結：Miisa_MHC／twitter、Farah_Otaku1997／twitter、With News