試問天下間邊個女人唔想做公主，同王子快快樂樂咁生活落去吖？不過咁，公主嘅嘢就唔係你話想做就有得做嘅，起碼都要有人認可先得吖⋯⋯自己當自己係公主嗰啲叫公主病，人哋當你係公主嗰啲先算得上係真正嘅公主呀！

話說，最近有外國網民同未來老婆影結婚相嘅時候就喺街度遇到一位小妹妹。吖，呢位小妹妹明明同呢對準新人三唔識七㗎嘛，但呢位小妹妹竟然一見到呢位新娘子就好開心、好興奮咁行咗埋去？咦，唔通佢認錯咗呢位新娘子係媽咪？

大家睇真啲小妹妹隻手揸住咗啲咩，係一本兒童故事書呀，而且本書嘅封面上面仲印住咗個著住白色裙嘅公主?！原來小妹妹以為呢位新娘子著住嗰件婚紗係公主裙，所以就當咗佢係公主呀！

「嗱，小妹妹，見你咁識貨，送朵花畀你啦！」

睇下新娘子畀小妹妹認錯做公主之後笑得幾開心～見大家咁有緣份，佢仲抱起小妹妹影返兩張靚相留念?！btw，呢位網民老老竇竇咁答毛毛，呢位小朋友真係唔係你安排嚟氹新娘子開心嘅老臨嚟？

資料來源：Skizzotrobzface／imgur