有啲嘢你搵佢嗰陣就搵緊都搵唔到，唔搵佢嗰陣，甚至乎唔記得有件咁嘅嘢嗰陣，件嘢又走返出嚟喎，真係吹到啤一聲呀！但係有啲嘢搵得返都係好事嚟嘅，因為搵到嘅可能唔止係一件物品，係一份回憶呀～

呢個靚姐叫阿Deb，當Deb姐仲係一個少女嘅時候，佢同班Fd去沙灘開P，點知玩玩下嗰陣隻戒指喺手上跣咗落嚟呀！「撲通」一聲跌咗入水，就搵唔返喇⋯⋯

而佢右手邊呢位咁英嘅就係Jimmy叔， Jimmy叔平日最鍾意就係四圍去check嘢，check咩嘢？咪臭係拎住個金屬探測器地氈式搜索，睇下會唔會執到寶囉～本來Jimmy叔約埋Deb姐個fd去㗎，點知Deb姐個fd甩底，佢咪毒自去執金囉。

點知佢真係畀佢執到呀！唔係執到金，係執到Deb姐隻戒指啫。點解佢會知隻戒指係Deb姐嘅？因為入面刻住Deb姐個名囉～估唔到浸過咸水返嚟，呢隻戒指都冇穿冇爛喎。

最難得嘅係隔咗36年Deb姐居然仲戴得落隻戒指呀！你睇佢幾開心？開心到攬住Jimmy叔，仲要攬到實一實?啵～

你實以為毛毛睇完會想即刻買返個幫女神搵返啲頸鏈呀耳環咁啦～傻啦，一個金屬探測器閒閒地都要成萬幾二萬蚊，那有錢⋯⋯到有錢買嗰陣，女神都變咗嬸嬸啦⋯⋯

封面圖片及資料來源：ABCNews