夏天為大地帶嚟雨水，呢排又黑雨又打風咁，成日落雨搞到個身濕L晒，真係令人好炆呀！最炆係落大雨又要去買嘢嗰陣，一抽二襱咁，就算有車都要搞到成身濕晒先上到車呀⋯⋯

有咩方法可以唔使淋雨又買到自己想要嘅嘢？咪臭係有車囉～咁頭先又話有車都會濕嘅？落車就會濕啫，唔落咪得囉！

好似呢位仁兄咁，成架車揸入去便利店，咁就幾大雨都唔怕啦！你以為佢係唔小心撞入去？少年人你太年輕喇！

本來店員都以為呢單係意外，但係呢個時候司機響咗兩下咹，店員先知原來司機想買嘢！

喂買嘢啫，使唔使揸埋架車入去咁串呀？最難得店員居然仲用殷勤嘅態度同親切嘅問候嚟服務個客，拎埋啲嘢去司機位度畀佢，仲要幫佢手倒車，今時今日嘅服務態度真係去邊度搵呀！

果然有錢就是任性呀下，不過店員邊有得揀吖，話晒人哋揸住架車，萬一佢心情唔好，或者香港腳發作咁咪大L鑊？

封面圖片及資料來源：Mashable