剪草呢家嘢真係唔可以睇小㗎，話晒同頭髮一樣，剪完冇咁快生得返㗎嘛，如果剪7咗，每個見到嘅人都會恥笑你㗎⋯⋯

所以自己剪草啲人真係好有勇氣㗎，嗱嗱嗱，你諗咗去邊呀，毛毛講緊修剪花園啲草咋。將啲矮啲嘅灌木同樹剪做唔同形狀都唔係咩新奇事啦，

不過剪到咁樣樣你又見過未先？

做咩成副人樣咁嘅喂！唔通係咩不思議事件？但係連眼鏡都整埋，咁就肯肯定係人為㗎啦！

原來幕後剪刀手就係……屋主個老婆呀！佢有個嗜好，就係將花園入面啲灌木，剪成唔同形狀，特別就係剪成佢嘅家人咁，睇下嗰個光滑嘅頭頂，寧舍有老公嘅神髓㗎。

女屋主唔止剪咗佢老公，仲剪埋個仔呀！係剪咗阿仔個樣喺個花園度咁啫～鼻高高，頭髪又豎起晒咁，又幾似喎～不過硬係爭咁啲嘢咁⋯⋯加返副眼鏡就Perfect池喇。

似人樣到狗仔同主人都要停低望兩眼兼影個相打卡呀，啲親戚嚟探佢哋肯肯定好易搵啫～只要女屋主同佢哋講「見唔見呀？有我衰佬個樣喺出面嗰間屋就係喇！」，搵屋完全冇難度呀！

呢位阿媽咁犀利，唔通跟過啲咩師傅學嘢？

唔通人哋師承鉸剪手又要話過你知咩。唔該師傅可唔可以順手修修毛毛啲頭毛呀？

封面圖片及資料來源：每日郵報、電影《幻海奇緣》截圖