最近，內地廣電總局話要樹立健康嘅幕前形象，所以落禁令唔畀藝人染髮喎！而就喺綜藝節目《快樂大本營》最新一集當中，內地歌手胡彥斌就疑似因為髮色唔達標，搞到電視台要後期加工，強行將佢嘅髮色P返做深色喇！

大家睇下，明明胡彥斌擁有同金毛尋回犬一樣嘅亮麗髮色㗎嘛，但去到《快樂大本營》播出嘅時候，佢啲頭髮竟然變咗深灰色？真係立即變黑又得，得咗！

嗱嗱嗱，香港人就最鍾意乜都＿咗先嘅，毛毛知道你哋想話佢啲頭髮P到出晒界，好奇怪吖嘛！但你哋有冇諗過，個節目成兩粒鐘㗎，有親胡彥斌嘅鏡頭都要P，咁做後期製作嗰位工作人員有L慘呀？嗚嗚，真係辛苦晒呢位工作人員⋯⋯

btw，可能大家會話染髮嘅嘢係個人選擇、係自由，但毛毛覺得⋯⋯其實畀電視台強行將啲頭髮P返做深色又點啫？早前喺另一個節目《高能少年團》入面，嘉賓蔣瑤佳夠因為粉紅色嘅潮爆髮色，搞到畀人後期key頂甲蟲咁樣樣嘅帽上去啦！55！

資料來源：胡彥斌／微博、湖南衛視芒果TV官方頻道 China HunanTV Official Channel