開口埋口都話「世上只有媽媽好」，咁爸爸呢？喂，其實爸爸都好偉大㗎啵！

早前，四川成都就突然落咗場雨，唔少冇帶遮嘅市民都畀場雨搞到一秒變落湯雞呀。而喺呢堆落湯雞之中，有人就發現咗一個好有愛嘅畫面⋯⋯大家睇下，呢位爸爸因為擔心囝囝會畀雨淋病，於是就扯行自己件衫，用衫角嚟幫囝囝擋雨呀！

老老竇竇，雖然呢位爸爸咁做未必真係幫到小朋友擋雨，但呢個小小嘅動作已經令唔少網民覺得好滾動喇！有網民仲話呢張相令佢諗起爸爸送自己返學嘅美好回憶?！

天下爸爸一樣sweet～之前網上瘋傳呢張爸爸濕身擔遮圖咪一樣咁有愛～

btw，不過講到最幸福嘅都莫過於呢位小朋友⋯⋯嗱你哋話嘞，小朋友下下活喺溫室裡面有咩好呢？梗係要好似呢位小朋友咁，跳出comfort zone，咁先會成長㗎嘛（好似係）！

資料來源：成都頭條／微博、Imgur、叫我阿阿阿阿婷／微博

睇埋：【濕L晒喇】婆婆 你咁樣樣擔遮有冇諗過我感受？