有啲阿媽硬係鍾意掛到成屋都係囝囝囡囡啲相，但係自己平日又唔多望㗎啵～你估啲相真係畀屋企人望㗎咩，係等啲姨媽姑姐嚟到當做展覽咁show畀人睇自己啲仔女有幾得意咋。

唔信？做個實驗咪知囉！

好似呢個網民咁，將自己幅相換咗金仔成兩個禮拜，阿媽都唔發覺呀！嗱嗱嗱，一次實驗就唔代表啲咩嘅，梗係要做多幾個嚟求證啦～

外國有個妹豬又學人玩阿媽，不過今次唔係將啲相換做偉大嘅金仔，係換咗做屋企隻狗狗呀！

仲要幫狗狗Cosplay返相入面個Look?啵，鬼馬喇你！睇下狗狗嗰一雙又圓又水汪汪嘅大眼晴，襯埋嗰幾條辮仔，仲嬌俏過原本張相呀。

影返歷史悠久啲嘅黑白相都完全冇難度呀！之但係主人你有冇諗過狗狗嘅感受呀？佢個樣完全就係「你班＿街畀我抖下啦好冇⋯⋯」咁呀。

仲要連畢業相都有?，整咗咁多張相，阿媽冇理由睇唔到喇啩！

阿媽梗係睇到啦，仲畀阿女吹到啤一聲?啵～搞到阿媽要同朋友解釋點解成屋都係狗仔啲大大張嘅相呀！咦，阿媽，乜唔係應該你自己喺屋企發現㗎咩，點解要同朋友解釋嘅？事實證明，果然當阿媽發現啲相有唔妥嗰陣，就係佢做緊子女導賞員之時⋯⋯

封面圖片及資料來源：mhooper_2014／twitter、Slatez_／twitter