結婚係好多女仔由細個就有嘅夢想，著住套白色婚妙，扮到靚靚咁行禮，又確實係幾夢幻嘅！可惜唔係人人都有機會舉行自己嘅婚禮⋯⋯

呢對小朋友係咪好可愛呢？見到佢哋執得咁正，又怕怕醜醜咁企埋一齊，就知佢兩個喺度搞緊一個小型婚禮啦！

呢個笨唔係一個普通嘅小朋友婚禮咁簡單，其實呢個係5歲小新娘Eileidh妹妹嘅最後婚禮。因為佢不幸患上咗一種好罕見嘅癌症，叫做神經母細胞瘤⋯⋯醫生話，妹妹嘅病已經去到末期，好返嘅機會好微⋯⋯

而妹妹嘅願望清單上面，其中一項就係想嫁畀佢最好嘅老友，6歲嘅Harrison小朋友喇。因為Harrison其實都好鍾意Eileidh，所以成班大人就幫佢哋搞咗呢個婚禮。呢班大人仲一齊扮鬼扮馬，又扮超級英雄，又扮公主咁氹佢哋?！

睇下Eileidh妹妹同媽咪笑得幾開心！話晒係一生人一次嘅大日子吖嘛！

媽媽仲爆料話喺醫院接受治療嗰陣，Eileidh已經成日同護士姐姐講佢有個男朋友仔，仲話要同男友結婚?。而Harrison都係成日提住話好愛Eileidh，要娶佢做老婆㗎！

咁而家佢兩個都總算係如願以償啦～雖然佢兩個唔可以執子之手，與子偕老，但係毛毛相信，呢份愛會一直保存喺佢哋心入面㗎！

封面圖片及資料來源：英國鏡報