人越大就越唔想屋企人送返學放學，你知啦，一陣你阿爸阿媽做咗或者講咗啲奇怪嘢，再唔係嗰日咁啱著得好騎呢嘅話，你返到去實畀同學仔笑餐飽㗎嘛⋯⋯

原來咁都未算最sad，塵世間最痛苦嘅事莫過於你阿媽送你返學，但係佢竟然比你更受歡迎呀！美國有個妹豬返學校迎生日，諗住實可以同阿媽曬下自己識咗幾多朋友仔啦～點知⋯⋯

曬命嘅竟然係送佢返學校嘅阿媽呀！阿媽send咗一堆相同個女講自己識咗好多新朋友，仲要件件都係小鮮肉，渾身肌肉，出晒水咁⋯⋯毛毛意思係出晒啲健康嘅汗水啫。

阿媽仲要同佢哋一齊玩波，又揸又攬咁（講緊個美式足球咋下！），阿媽，你有冇諗過阿女嘅感受呀？阿女去迎生日都冇你咁好節目呀！

老老77，一世人兩母女，有冇幫阿女抄定牌先？反正你識咗咁多個，讓返一個半個嚟好喎⋯⋯

所以話，年齡未必係女人嘅敵人嚟嘅，只要好似呢個阿媽咁，個樣又keep得好，心境又夠Young，大把仔仔爭住過嚟Hi下Auntie啦！Btw，如果毛毛當年⋯⋯都係冇嘢喇，差啲唔記得O Camp係靚仔靚女先有得去㗎?⋯⋯

封面圖片及資料來源：Avery_Leilani／twitter