2017年06月21日 星期三
【離晒譜】呃唔夠1000 Likes就喺15樓掟個仔落街？
呃Like唔係問題，但用人命嚟呃Like就真係離晒大譜囉！
話說，非洲有位網民為咗呃Like，竟然上載咗條極危險嘅片段，Caption寫住「1,000 likes or I will drop him」，如果條片得唔到1000個Like嘅話，佢就會喺15樓掟個小朋友落街喎⋯⋯
嘩，正常人見到呢條友拎條人命嚟玩都會嬲到想爆粗啦！所以一班網民唔Like不但止，仲告佢虐待兒童。最後，當地警方都以虐待兒童嘅罪名拉咗佢。
雖然呢位網民上庭嗰陣就解釋自己其實唔係相中嗰位小朋友嘅老竇，只係嗰位小朋友嘅親戚，同埋話啲圖係畀人PS過，本身個窗出面係有圍欄嘅。而小朋友嘅堅．老竇都幫手求情，話佢只係開下玩笑。但法官都唔接受佢哋嘅解釋，判咗佢坐兩年監。
嘢可以亂食，但玩笑唔可以亂開。為咗個Like，有乜謂呢？
