去襯啲乜乜展物物展，最正就係咩呀？就係拎一堆Sample返屋企慢慢試慢慢嘆呀！特別係美食展，真係又食又拎㗎！不過而家咁興兩三個展合埋搞，有時真係好易中伏㗎⋯⋯

有位台灣網友去美食展見有朱古力派就好開心啦，仲要係65%嘅黑朱古力，好似係靚嘢嚟㗎喎！點知一開⋯⋯

＿你個街呀，紙皮嚟嘅喂？唔通以前興石仔朱古力，而家就興紙皮朱古力？

冇理由吖，橫摸掂摸呢塊都係一塊紙皮喎⋯⋯網友，你估錯喇，以毛毛嘅偵探頭腦9估，真相只得一個！呢塊朱古力笨唔係畀你食，係畀你燒落去考敬祖先嘅！55，一定係！除非唔係⋯⋯

不過原來咁有偵探頭腦嘅人都唔只得毛毛一個，其他網友都提出咗唔同嘅可能性啵！有摩擦力特強嘅網民就發現今次同一個場地，原來仲有包裝展搞緊，所以話嗰位網友可能去錯區拎錯Sample喎。

又有網民話網友未必行錯區，可能係拎錯人哋用嚟擺設嘅道具啫～因為有好多參展商都會放道具Sample喺枱面，等啲人行過嚟問先派真嘅試食產品㗎！究竟邊個先係真相，睇嚟就要問返參展商先知喇～

封面圖片及資料來源：Erh Lei、Bella Kuo​