溫馨提示，如果閣下而家仲會收到朋友親筆寫嘅信，請你好好珍惜佢⋯⋯因為喺而家呢個年代，會花咁多時間寫字嘅人絕種㗎喇！雖然而家send個msg就可以搵到對方好方便，但手寫信始終都係特別有feel㗎嘛。

講起手寫信，早前美國就有個Fisherman（唔係叫阿樂）執到封1981年嘅瓶中信。寄件人叫Douglas，佢寫住話，如果有人執到呢封信就麻煩通知佢一聲個樽係喺邊度執到喎！雖然佢喺封信度留咗地址啫，但個地址都成三十六年前，仲搵唔搵得返阿Douglas㗎⋯⋯

換轉係第二個，可能一早就當睇唔到放棄咗，但呢位漁夫竟然好堅決咁要搵到呢個陌生人！最後搞咗一輪之後，終於畀佢搵到寄件人⋯⋯個好耐冇用嘅Facebook喇！

好彩阿Douglas同漁夫係有Mutual Friend嘅，喺Fd子嘅幫助之下，終於聯絡到阿Douglas喇～原來阿Douglas到而家都仲有Keep住去返掉樽嗰個沙灘度玩㗎！而個樽最後又喺邊度搵到呢？咪就係喺阿Douglas掉樽嗰度六十幾公里之外嘅大海中心囉。

Btw，咁都可以畀漁夫搵得返呢個人，睇嚟人與人之間嘅距離唔超過六個人呢個理論，可能係真㗎喎！

封面圖片及資料來源：SoutheastAdventure