唔好畀阿爸湊仔女，呢句說話大家都聽得多喇～因為老竇嘅創作力量同幻想，成日都嚇阿媽一跳囉～如果畀阿媽睇到啲阿爸點同仔女玩，通常有兩個可能，一係就激到阿媽暈低，一係就激到阿媽打到老竇暈低⋯⋯

其實又未必嘅～有好多好有創意嘅阿爸同仔女玩啲嘢，連阿媽睇到都會好冧好開心㗎！

美國呢個阿爸就係運用咗佢嘅創意，同佢9個月大嘅BB女影咗勁多得意相喇！好似呢幅淋花相咁～老竇用咁多愛心嚟種呢朵寶貝小花，呢棵花一定茁壯成長啫～

「老竇，畀下面呀，阿媽話再食牛肉乾就罰我冇得食糊仔㗎喇～」

哦！老竇你壞壞喇！你係咪睇得多Breaking Bad呀？居然學人製毒？咦，唔係啵，原來係BB製造緊毒氣畀爸爸聞至真！唔怪得老竇要帶定防毒面罩啦！

「老竇，你嗰兩個椰子想點呀⋯⋯好硬呀⋯⋯」

嗱嗱嗱，雖然都係洗啫，但洗身唔係用洗衣粉㗎啵老竇！連B女都睇到皺晒眉頭喇！千祈唔好畀阿媽睇到呢張相?呀⋯⋯唔係佢又會好似美冴咁咆哮㗎喇！

殊⋯⋯細聲啲呀！唔好畀辛巴發現呀！唔係就拍唔到獅子王2046㗎喇！

老竇喺B女咁細個就培養佢啲藝術細胞，一齊做街頭藝術，大個咪可以做《Art Attack》主持？呢個生涯規劃有錢途喎！

睇完呢堆相～係咪覺得其實畀老竇湊仔女都唔係咁災難呢（好似係）？其他老竇學下嘢喇，得閒幫輕下老婆湊仔，影多啲靚相，咁老婆見到啲打耳相，自然心情就會好啦～記住老婆心情如何，你的日子也必如何呀！

封面圖片及資料來源：Boredpanda