其實出街食嘢都真係幾煩㗎，搵到間唔使等位、又就腳、又唔太貴嘅餐廳之後，一打開個menu，熱氣呀生冷呀太辣呀太油嘅都唔食，仲要睇下邊啲食起上嚟唔會失禮街坊，要剝殼或者用手食嗰啲海鮮同炸髀，都係留返同屋企人一齊先食啦……

除咗海鮮同炸髀食起上嚟煩，其實粟米都唔睇得小㗎！除非你食粒粒粟米啦，唔係都肯定會食到成棚牙都係！如果唔想畀人見到棚牙白中帶黃，同自己女神／男神出街嘅時候，真係要記得唔好點粟米呀！

最近有日本網民就同大家分享一個超有生活智慧嘅食粟米方法喇～首先，唔知點樣拆咗兩行粟米先。跟住就用手指公疊住最開嘅一行粟米，向外推佢出嚟！得咗喇得咗喇出咗嚟喇，係仔嚟呀，恭喜夫人！

原來世界上有個咁聰明嘅食粟米方法，點解毛毛會而家先識㗎，真係正一食粟米呀！有唔少女仔都覺得男仔幫佢剝蝦剝蟹就有分加，嗱，下次表演剝粟米咪仲方便！

北海道移住して一番驚いたのはとうもろこしのこの食べ方でした。 pic.twitter.com/1iqn8EhMbD

— アラブ三郎 (@alovesun) June 25, 2017

封面圖片、資料來源連結：alovesun／twitter