兩個月前，有外判清潔工被影到喺公廁洗手盤上食飯，最近就有勞工組織公布一項調查，發現原來超過七成嘅清潔工面對同樣問題，甚至發現佢哋用嚟休息嘅值勤室，設施同環境問題亦好嚴重。做咗8年清潔工嘅明哥認為，工人待遇從來唔合理，即使願意出嚟發聲，但又有邊個真係可以幫到佢哋呢？