31/10《星期三港案》牠們才是沉默的一群

旁述：崔建芒（Amango）

過去幾個月，催淚煙嘅禍害一早已經蔓延至每個社區，影響每一個小市民，就連貓貓、狗狗、雀仔，都可以係警暴之下嘅受害者。
作為警隊一分子嘅警犬亦唔例外，多次喺毫無裝備下被帶上前線執勤，硬食毒煙。儘管警方出咗聲明話佢地好愛錫警犬，但至今仍然未能交出實際數字，證明現役警犬嘅身體情況。
作為人類，我地嬲，至少可以鬧返轉頭；煙攻到埋嚟，至少我地仲有個瓦遮頭。但，佢地呢？